З 11 лютага 2020 года Нацыянальны гістарычны музей запрашае ўсіх закаханых наведаць выставу «Вользе ♥ Андрэй Смаляк».

Унікальны выставачны праект – гісторыя кахання ў карцінах –уключае ў сябе 31 партрэт Вольгі.

Сумеснае жыццё мастака Андрэя і актрысы Вольгі яркае і насычанае. Яна – невычэрпная крыніца яго натхнення, муза, паплечнік і любімая жанчына ... Ён піша яе партрэты ў плыні шматлікіх гадоў, у розных стылях і тэхніках і падпісвае палотны, заўсёды вылучаючы яе імя.

Андрэй і Вольга, дасягнуўшы вядомасці ў нашай краіне, падняўшыся на самы пік поспеху, працягваюць пакараць ўсё новыя і новыя вяршыні:больш за 50 персанальных выстаў, першая аўтарская галерэя «Эрмітаж», першы ў Беларусі «зорны» праект «Ажыўшыя карціны», міжнародныя праекты «Мастацтва - мост у Еўропу», «Чырвоныя акуляры", "Карнавал", «Выбранае»…Дэвіз Вольгі і Андрэя– «Свет стане шчаслівы толькі тады, калі ў кожнага будзе душа мастака».

14 лютага адбудзецца  паказ дызайнера Рэспубліканскага фестывалю-конкурса моды і фота "Мельніца моды" Ганны Краснер з удзелам мадэляу FashionStyleModels by Igor Ivanov і Нацыянальнага цэнтра мастацкай творчасці дзяцей і моладзі.